埃及day9~無所事事食杯麵

2010年6月13日 開羅

今早團友們便要回香港，我們則會在埃及多留四天，所以我們睡晚一點，落到大堂團友們已離開了。

未夠10點，自助早餐已清得八八九九，哼哼！一定係班大食團友的所為。

酒店賣的紀念品比市面的精緻，價錢也很精緻，我銀包內的粗糙埃及幣無謂出來見人。

看見酒店的大泳池，真的很想游水，可惜趕住check out，唉！

今日無所事事，返到開羅，至知原來世界盃已經開鑼。開羅、開鑼，好多人圍埋睇波呀！

十幾條大漢，圍住部14吋牛龜，睇住個波碌來碌去，世界盃吸引力真係大。

經過印度、約旦、埃及差不多一個月的旅程，實在冇啖好食，一個杯麵勝過一頭鮑魚，特此鳴謝團友Milk姨一家、Michelle、Alex賜予一大堆杯麵，幾乎感動到喊，幾乎啫！