黃熱病發作去探Sarah B...

早幾日打完防疫針，醫生都講咗有可能出現黃熱病病徵腰痛、腳痛、發燒。

終於尋日瞓醒開始覺得唔妥，背脊赤赤痛，好似感冒咁！

但因約好咗一齊去探Sarah個B，知道個病唔會傳染之後，唯有頂硬上照去啦。

雖則話唔會傳染，但我都唔敢接近個B。

足八磅重既B好大隻，好cute！而Sarah痛咗19個鐘既經歷，比小敏既鬼故更恐怖！

離開Sarah屋企之後，我既黃熱病更加嚴重，整個背同腰、連雙腳都劇痛，更feel到有啲發燒添，結果成晚攤喺床唔郁得，睇怕人要捱多兩日至好得番，唉！

開開心心、打防疫針！

去咁多國家，一定要預先打防疫針，否則某啲有疫症既國家會唔俾入境！

我哋去咗政府既旅遊健康中心（長沙灣政府合署，即係深水埗），醫生首先問我哋去邊啲國家，然後細心解釋疫症風險，建議我哋要打幾多支針。呢位醫生好好，又好傾，當知道我哋環遊世界之後，就一齊大講旅遊經，仲介紹我哋搵啲日本正旅館添。

神舟星空奇遇記

(以下呢篇搞鬼野係我有日痴痴地擺左上yahoo blog，自己覺得好笑又好低能，結果冇人留言，證明其實係唔好笑！哈哈！）

睇新聞又講神舟升空，令我諗番起上次喪喪地，發表過既呢篇嘢，所以又想回味下：

Thank You咭

呢排忙住plan行程之餘，仲忙緊搬屋，直頭忙過返工10倍！

而喺一堆堆雜物裡面，搵到幾張陳年舊咭，係當年做社會服務版時，讀者送俾我既。

戲院靈異事件

都有一排冇遇到靈異事件，估唔到今日睇戲竟然撞到正！

今日（24日）去九龍灣某戲院睇戲，睇到一半，褲袋中既iPhone突然響起訊息鈴聲，我喺黑暗中抽出手機望咗一眼……只係一個普通SMS，為免妨礙睇戲，我並冇回覆，按咗待機掣，就匆匆將手機塞番入袋。

行程又有變！！

新年及情人節新樂！！

由於之前只掛住安排機票，忘記咗留意每個國家可以停留既時間，咁就出事喇！

原來持有特區護照往歐洲內陸（唔包括英國），最多只可停留90日，但我哋計劃咗逗留超過3個月，唯有改啦。

最終決定放棄去希臘，因為希臘到時係雨季，而且由意大利坐船去希臘，再由希臘跨越幾個國家去西班牙實在太麻煩，所以今次冇得住小白屋lu，唯有留番下次歐遊再去啦。

更改後所定行程係：香港－－印度－－約旦－－埃及－－英國－－荷蘭－－法國－－瑞士－－意大利－－西班牙－－巴西－－智利－－復活節島－－秘魯－－邁亞密－－奧蘭多－－紐約－－華盛頓－－洛杉磯－－拉斯維加斯－－（返洛杉磯轉機）－－悉尼－－大堡礁－－日本－－香港

                                 

早幾日將我哋環遊世界既大計，講咗俾一位明星藝人聽，佢話呢件係佢最想做既事，好羨慕我可以拋開現實既包袱；其實我亦好羨慕做藝人可以周遊列國，仲免費添！但我明白工作跟放假係兩回事既！

希望一年之後自己可以「升呢」既同時，亦祝願呢位藝人朋友一年後大紅大紫，身體健康啦！

終於大致定好行程

世界咁大，好多地方想去，但原來唔係你話想去邊就去邊（除非真係發咗達），有公司專營環球機票，由於機票由幾家航空公司聯營，一啲航空公司冇航線既地方就去唔到，又或者要遷就出發地，行程冇辦法照自己意思實行！

最初問永安，要成5萬幾，太貴！

問康泰，嗰位機票部仁兄一時話呢度飛唔到，一時話嗰度要加錢，個行程要向東飛下又向西飛下，向上飛一陣又向下飛幾里，遙控直升機咩！