開開心心、打防疫針！

去咁多國家，一定要預先打防疫針，否則某啲有疫症既國家會唔俾入境！

我哋去咗政府既旅遊健康中心（長沙灣政府合署，即係深水埗），醫生首先問我哋去邊啲國家，然後細心解釋疫症風險，建議我哋要打幾多支針。呢位醫生好好，又好傾，當知道我哋環遊世界之後，就一齊大講旅遊經，仲介紹我哋搵啲日本正旅館添。


我哋每人要打三針，分別係黃熱病($200)、甲型肝炎($185)、傷寒($120)，計埋醫生費用($315)Total $820搞掂。

負責打針既護士亦好好，好有禮貎，手勢亦一流，幾乎一啲都唔痛。

不過疫苗有副作用，打完針三個鐘頭，左右手臂開始一齊痛，痛咗幾粒鐘至冇事。

但係今次經驗愉快！估唔到打針都可以咁開心！