終於大致定好行程

世界咁大，好多地方想去，但原來唔係你話想去邊就去邊（除非真係發咗達），有公司專營環球機票，由於機票由幾家航空公司聯營，一啲航空公司冇航線既地方就去唔到，又或者要遷就出發地，行程冇辦法照自己意思實行！

最初問永安，要成5萬幾，太貴！

問康泰，嗰位機票部仁兄一時話呢度飛唔到，一時話嗰度要加錢，個行程要向東飛下又向西飛下，向上飛一陣又向下飛幾里，遙控直升機咩！



搞成個禮拜都未掂，我索性搵國泰（國泰有聯營機票），結果一日之內傾好晒，價錢只係三萬一千幾（未計稅），好抵！康泰初步估價都接近四萬，早知唔嘥時間喺康泰身上啦。

暫時預定行程係：香港－－印度－－約旦－－埃及－－英國－－荷蘭－－法國－－瑞士－－意大利－－希臘－－西班牙－－（返倫敦轉機）－－巴西－－智利－－復活節島－－秘魯－－邁亞密－－奧蘭多－－紐約－－華盛頓－－洛杉磯－－拉斯維加斯－－（返洛杉磯轉機）－－悉尼－－大堡礁－－日本－－香港
（後來有所更改：因為雨季取消了希臘，因為治安問題取消了巴西，去日本前加去了新加坡）

前兩日買咗個廣角鏡，事關嫌部G10影得唔夠闊，影唔到金字塔同巴黎鐵塔之類點算呢？

初步試過鏡頭都唔錯！

加鏡前

加鏡後