十月圍城好難俾分

12月至上畫既「十月圍城」，算係近期拍得比較有誠意同認真既「港產片」，故事發生喺孫中山嚟香港商討革命大事之時，一眾反清之黨義無反顧保護要人，又豈能唔認真！

大時代、大堆頭，謝霆鋒、甄子丹、王學圻、任達華、梁家輝、胡軍、李宇春全部都有好發揮（唯獨黎明真係好差）。每個角色背後都有一段故事，編劇三言兩語就交代了他們的過去，點到即止一樣言之有物，但個人覺得某些角色可著墨多少少，例如拉車仔謝霆鋒與心上人一段，謝霆鋒老闆以家長身份向對方提親時，才發現女方有殘障，從中體會革命可帶來希望、苦難亦有明天的道理，但表達得到喉唔到肺，實在可惜！

戲中亦有唔少怪怪既地方，例如殺手打扮太似忍者，刀光劍影太似武俠片；不過唔及得一大敗筆黎明，華英雄既出場方式令觀眾忍唔住笑，有如青山傻佬既演技亦非常趕客，最後仲要出現舊愛李嘉欣，唔該晒！我係娛記都冇興趣寫佢哋！今期新假期影評以「黎明請你不要來」嚟抗議，寫得真好！

實在唔想放黎明既相，所以放呢張李宇春，眼前一亮既李宇春！