Thank You咭

呢排忙住plan行程之餘，仲忙緊搬屋，直頭忙過返工10倍！

而喺一堆堆雜物裡面，搵到幾張陳年舊咭，係當年做社會服務版時，讀者送俾我既。

睇番呢幾張thank you咭真係有啲安慰同感慨，以前做記者好有意義，有糧出之餘又幫到人！幾年前轉做「交易通」亦唔錯，幫到唔少小企業、小商戶；不過兩年前轉做娛樂之後，一切都差好遠。

娛樂新聞基本上係零生產事業，對社會零貢獻，讀者絕對唔會多謝我，極其量只有幾個藝人明星記得我，有咩意義呢？

若然問我一年後返嚟仲做唔做娛樂？答案係為兩餐唔出奇，終極目標係好似E姐同蘇師傅咁，做一個出色既玄學家，意義重大好多呀！