終於大致定好行程

世界咁大，好多地方想去，但原來唔係你話想去邊就去邊（除非真係發咗達），有公司專營環球機票，由於機票由幾家航空公司聯營，一啲航空公司冇航線既地方就去唔到，又或者要遷就出發地，行程冇辦法照自己意思實行！

最初問永安，要成5萬幾，太貴！

問康泰，嗰位機票部仁兄一時話呢度飛唔到，一時話嗰度要加錢，個行程要向東飛下又向西飛下，向上飛一陣又向下飛幾里，遙控直升機咩！

十月圍城好難俾分

12月至上畫既「十月圍城」，算係近期拍得比較有誠意同認真既「港產片」，故事發生喺孫中山嚟香港商討革命大事之時，一眾反清之黨義無反顧保護要人，又豈能唔認真！

偉大的發明

　真係好多問題要解決，其中一樣係要帶既電器用品太多，叉電成為一大問題，電腦、手機、相機、遊戲機等等…

　每樣都要帶一抽電線跟插頭，又重又嘥位，好彩最近發現左呢啲產品，只要用一條USB線，就可以為幾種電器叉電；好似呢條只要插住電腦，就可以同時為PSP同手機叉電，實在係繼數碼相機之後又一偉大發明，減輕唔少負擔。

可惜未發現可以叉相機電既USB線，搵到就好喇！