20世紀少年最終章

9月去日本時，「20世紀少年最終章」剛巧上映，好想睇，好想知道「朋友」既真正身份…不過日文水準未夠班，唯有等香港上畫。

今日終於睇到！

「20世紀少年」第一集的說故事技巧、第二集的女主角珈南都令人神往，可惜來到最終章，老實講有點失望，主線重回兩個男人身上本來冇唔妥，可惜節奏慢、故事結構鬆散、珈南神采不再…

上集珈南頭戴白帽、身穿藍衣，跟足他崇拜的叔叔健次，但今集染回一頭黑髮，換過新型像，代表他已不想再像叔叔健次以德服仁，而決定以武力對抗「朋友」總統。

健次再出場，依然白帽加藍色外衣，健次還是昔日的健次。


電影最精彩是完場後的十多分鐘，沒錯！是完場後，字幕出完後，劇情繼續發展，正式交待「朋友」的真正身份、「朋友」要毀滅世界的原因、「朋友」跟主角的關係等都一一交待，驚喜不斷！完美的結局！

令我想重看頭兩集，看看自己錯過了甚麼！